ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງອຸດົມໄຊ ປາຖະກະຖາວັນສ້າງຕັ້ງກຳມະບານລາວ ຄົບຮອບ 65 ປີ.

ທີ່ຫ້ອງປະຊຸມແນວລາວສ້າງຊາດແຂວງອຸດົມໄຊ ແລະ ສາມອົງການຈັດຕັ້ງມະຫາຊົນ ໄດ້ຈັດພິທີປາຖະກະຖາເລົ່າຄືນມູນເຊື້ອການກຳເນີດ ແລະ ເຕີບໃຫ່ຍຂະຫຍາຍຕົວຂອງອົງການກຳມະບານລາວ ຄົບຮອບ 65 ປີ ( ວັນທີ 1 ກຸມພາ 1956- ວັນທີ 1 ກຸມພາ 2021 ), ໃຫ້ກຽດເຂົ້າຮ່ວມ ແລະ ປະຖາກະຖາໂດຍ ທ່ານ ບຸນຍືມ ໄຊຍະເວັນ ຮອງເລຂາໜ່ວຍພັກ ຮອງປະທານແນວລາວສ້າງຊາດແຂວງ, ມີທ່ານ ນາງ ວອນມະນີ ໄຊມະນີວົງ ປະທານກຳມະບານຮາກຖານອົງການແນວລາວສ້າງຊາດແຂວງ ແລະ ມີສະມາຊິກກຳມະບານພາຍໃນອົງການແນວລາວສ້າງຊາດແຂວງເຂົ້າຮ່ວມ.

ໃນພິທີປາຖະກະຖາໄດ້ຍົກໃຫ້ເຫັນປະຫວັດແຫ່ງການກຳເນີດ, ເຕີບໃຫ່ຍຂະຫຍາຍຕົວ ແລະ ຜົນງານທີ່ພົ້ນເດັ່ນຕະຫຼອດໄລຍະ 65 ປີ ອົງການກຳມະບານລາວ, ອົງການກຳມະບານລາວສ້າງຕັ້ງຂື້ນໃນວັນທີ 1 ກຸມພາ ປີ 1956 ໂດຍແມ່ນ ທ່ານ ສີສົມພອນ ລໍວັນໄຊ ເປັນຜູ້ຊີ້ນຳໂດຍກົງ ເພື່ອຂົນຂວາຍເຕົ້າໂຮມກຳມະກອນ, ຊາວຜູ້ອອກແຮງງານລາວບັນດາເຜົ່າ ໃຫ້ມີຄວາມຕື່ນຕົວປະຕິວັດ, ມີນໍໍ້າໃຈຮັກຊາດ, ເສີມຂະຫຍາຍປະຊາທິປະໄຕ, ເປັນພົນລະເມືອງດີຂອງຊາດ ເວົ້າສະເພາະການເຕີບໃຫ່ຍຂະຫຍາຍຕົວຂອງສະຫະພັນກຳມະບານແຂວງອຸດົມໄຊ ໄດ້ປະກອບສ່ວນຢ່າງຕັ້ງໜ້າເຂົ້າໃນການສຶກສາອົບຮົມການເມືອງ-ແນວຄິດໃຫ້ພະນັກງານ, ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານໃຫ້ມີຄວາມໜັກແໜ້ນ, ມີສະຕິຕໍ່ການຈັດຕັ້ງ, ມີຄວາມສາມັກຄີກວ້າງຂວາງ ພ້ອມກັນຈັດຕັ້ງປະຕິບັດໜ້າທີ່ວຽກງານຕາມພາລະບົດບາດ, ສິດ, ໜ້າທີ່ຂອງຕົນ, ເປັນຕົວແທນແຫ່ງການປົກປ້ອງສິດ ແລະ ຜົນປະໂຫຍດອັນຊອບທໍາ ຂອງກໍາມະກອນ ແລະ ຊາວຜູ້ອອກແຮງງານ.

ພ້ອມກັນນີ້, ທ່ານ ບຸນຍືມ ໄຊຍະເວັນ ຍັງເນັ້ນໜັກໃຫ້ສະມາຊິກກຳມະບານ ອົງການແນວລາວສ້າງຊາດແຂວງ ສຶບຕໍ່ຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ, ສ້າງເສດຖະກິດພາຍໃນຄອບຄົວ ເພື່ອເຮັດໃຫ້ການດຳລົງຊີວິດດີຂື້ນເທື່ອລະກ້າວ ແລະ ປົກປ້ອງສິດຜົນປະໂຫຍດ ຂອງສະມາຊິກກຳມະບານພາຍໃນອົງການແນວລາວສ້າງຊາດແຂວງ, ປະຕິບັດຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ.

info@lfnd.org.la | 021 213754 | (856-21) 453191