ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງອຸດົມໄຊ ຈັດກອງປະຊຸມເຜີຍແຜ່ເຊື່ອມຊືມເອກະສານ

ແນວລາວສ້າງຊາດແຂວງອຸດົມໄຊ ໄດ້ຈັດກອງປະຊຸມເຜີຍແຜ່ເຊື່ອມຊືມເອກະສານ, ພາຍໃຕ້ການເປັນປະທານຂອງ ທ່ານ ວັນນາ ແກ້ວສັນຕິ ຄະນະປະຈໍາພັກແຂວງ ປະທານແນວລາວສ້າງຊາດແຂວງອຸດົມໄຊ, ມີຮອງປະທານແນວລາວສ້າງຊາດແຂວງ, ຄະນະຫ້ອງການ, ຫົວໜ້າ-ຮອງຫົວໜ້າຂະແໜງ ຕະຫຼອດຮອດພະນັກງານລັດຖະກອນພາຍໃນແນວລາວສ້າງຊາດແຂວງເຂົ້າຮ່ວມ ໃນວັນທີ 4 ມີນາ 2021 ນີ້ ຢູ່ທີ່ຫ້ອງປະຊຸມແນວລາວສ້າງຊາດແຂວງອຸດົມໄຊ.

ກອງປະຊຸມຄັ້ງນີ້ໄດ້ເຜີຍແຜ່ເຊື່ອມຊືມ 4 ເອກະສານດັ່ງນີ້: ມະຕິ ເລກທີ 206/ກມສພ ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດ ໃນໄລຍະໃໝ່, ດໍາລັດ ເລກທີ 562/ລບ ລົງວັນທີ 6 ພະຈິກ 2020 ວ່າດ້ວຍວຽກງານໂຄສະນາເຜີຍແຜ່ນິຕິກໍາຕ່າງໆ, ຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງກົມໂຄສະນາສູນກາງແນວລາວສ້າງຊາດ ເລກທີ 004/ຄປຈ ລົງວັນທີ 11 ມັງກອນ 2021 ແລະ ກົດໝາຍວ່າດ້ວຍພະນັກງານລັດຖະກອນ ເລກທີ 74/ສພຊ ລົງວັນທີ 18 ທັນວາ 2015; ໃຫ້ກຽດເຜີຍແຜ່ໂດຍປະທານ ແລະ ຮອງປະທານແນວລາວສ້າງຊາດແຂວງ. ໂອກາດດຽວກັນນີ້ຍັງໄດ້ຜ່ານຂໍ້ຕົກລົງວ່າດ້ວຍການສັບຊ້ອນພະນັກງານພາຍໃນອົງການແນວລາວສ້າງຊາດ  ເລກທີ 148/ນຊຂ ລົງວັນທີ 11 ກຸມພາ 2021 ແລະ ເອກະສານສຳຄັນອື່ນໆຈໍານວນໜຶ່ງ.

ປະທານກອງປະຊຸມໄດ້ມີຄໍາເຫັນໂອ້ລົມ ເຊິ່ງທ່ານໄດ້ເນັ້ນໜັກໃຫ້ພະນັກງານລັດຖະກອນພາຍໃນອົງການແນວລາວສ້າງຊາດ ໃຫ້ເອົາໃຈໃສ່ຄົ້ນຄວ້າບັນດາເອກະສານທີ່ໄດ້ເຊື່ອມຊື່ມນັ້ນໃຫ້ເລິກເຊິ່ງ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານຂອງຕົນ ໃຫ້ໄດ້ຮັບປະສິດທິພາບສູງ.

info@lfnd.org.la | 021 213754 | (856-21) 453191