ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງເຊກອງ ໄດ້ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ

ວັນທີ 23 ມິຖຸນາ 2021 ທີ່ຫ້ອງວ່າການແຂວງ ໄດ້ມີພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ III ປະຈໍາປີ 2020 ໃຫ້ໜ່ວຍພັກຮາກຖານແນວລາວສ້າງຊາດ ແຂວງເຊກອງ, ໃຫ້ກຽດເຂົ້າຮ່ວມມີສະຫາຍ ນາງ ບຸນຮຽງ ບຸນຈິດ ກໍາມະການປະຈໍາພັກແຂວງ, ປະທານແນວລາວສ້າງຊາດແຂວງເຊກອງ; ມີເລຂາ-ຮອງເລຂາໜ່ວຍພັກ, ແຂກຖືກເຊີນ ແລະ ສະມາຊິກພັກພາຍໃນໜ່ວຍເຂົ້າຮ່ວມ.

ໃນພິທີ ສະຫາຍ ນາງ ລັດດາວຽງ ພັນທະນາໄລ ຮອງເລຂາໜ່ວຍພັກ, ຮອງປະທານແນວລາວສ້າງຊາດແຂວງ ໄດ້ລາຍງານວ່າ: ໜ່ວຍພັກແນວລາວສ້າງຊາດແຂວງ ມີຄະນະໜ່ວຍພັກ 3 ສະຫາຍ, ຍິງ 3 ສະຫາຍ ແລະ ມີສະມາຊິກພັກທັງໝົດ 16 ສະຫາຍ, ຍິງ 8 ສະຫາຍ, ໃນນີ້ສໍາຮອງ 2 ສະຫາຍ, ຍິງ 1 ສະຫາຍ. ໃນປີ 2020 ຜ່ານມາ ຄະນະໜ່ວຍພັກໄດ້ນໍາພາ-ຊີ້ນໍາສະມາຊິກພັກ-ພະນັກງານ ປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຢ່າງເປັນເຈົ້າການ ໂດຍຖືເອົາການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານ ຕິດພັນກັບການປັບປຸງກົງຈັກການຈັດຕັ້ງຂອງພັກ, ປັບປຸງແບບແຜນນໍາພາ ແລະ ວິທີເຮັດວຽກ ອັນເປັນພື້ນຖານເຮັດໃຫ້ການເຄື່ອນໄຫວຈັດຕັ້ງປະຕິບັດວຽກງານໃນແຕ່ລະດ້ານໃຫ້ບັນລຸໄດ້ຕາມເປົ້າໝາຍ.

ສະຫາຍ ນາງ ຂວັນໃຈ ສີສຸວົງ ຮອງຫົວໜ້າຂະແໜງກໍ່ສ້າງພັກ, ຄະນະຈັດຕັ້ງແຂວງ. ກໍ່ໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກແຂວງ, ສະບັບເລກທີ 51/ຄຈພຂ, ລົງວັນທີ 17 ກຸມພາ 2021 ວ່າດ້ວຍຮັບຮອງໜ່ວຍພັກຮາກຖານແນວລາວສ້າງຊາດແຂວງເຊກອງ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2020 ແລະ ຮັບຮອງແຜນການກໍ່ສ້າງໜ່ວຍພັກປອດໃສ ເຂັ້ມແຂງ, ໜັກແໜ້ນປະຈໍາປີ 2021. ພ້ອມກັນນັ້ນ ສະຫາຍ ນາງ ບຸນຮຽງ ບຸນຈິດ ໄດ້ໃຫ້ກຽດຂຶ້ນມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020  ແລະ ກ່າວຮັບແມ່ນ ສະຫາຍ ນາງ ລັດດາວຽງ ພັນທະນາໄລ.

info@lfnd.org.la | 021 213754 | (856-21) 453191