ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດ ແຂວງສາລະວັນ ມອບເຄື່ອງອຸປະໂພກ ໃຫ້ແຂວງສາລະວັນ ລວມມູນຄ່າ 33 ລ້ານກວ່າກີບ

ໃນວັນທີ 16 ສິງຫາ 2021 ນີ້ ຢູ່ທີ່ຫ້ອງວ່າການແຂວງສາລະວັນ ນໍາໂດຍ ທ່ານ ຄຳຕາ ໂຮ່ຊົງເລືອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ ໄດ້ນໍາເອົາເຄື່ອງອຸປະໂພກ ເຊິ່ງປະກອບມີ: ຕຽງ 60 ໜ່ວຍ ແລະ ໝອນ 60 ໜ່ວຍ ລວມມູນຄ່າ 33,600,000 ກີບ ໄປມອບໃຫ້ແຂວງສາລະວັນ ເພື່ອປະກອບສ່ວນຊ່ວຍເຫຼືອ ເຂົ້າວຽກງານປ້ອງກັນ, ຕ້ານສະກັດກັ້ນ ການແຜ່ລະບາດ ຂອງພະຍາດ ໂຄວິດ-19. ຮັບໂດຍ ທ່ານ ປອ ໂພໄຊ ໄຊຍະສອນ ເຈົ້າແຂວງໆສາລະວັນ ພ້ອມຄະນະ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດດຽວກັນນີ້, ທານ ເຈົ້າແຂວງ ກໍ່ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍ ຕໍ່ແນວລາວສ້າງຊາດແຂວງ ທີ່ໃຫ້ການຊ່ວຍເຫຼືອກັບແຂວງສາລະວັນ ແລະ ເຄື່ອງຈຳນວນດັ່ງກ່າວ ແມ່ນຈະນຳໄປມອບໃຫ້ກັບໜ່ວຍງານແພດໝໍ, ທະຫານ, ຕຳຫວດ ແລະ ໜ່ວຍງານອື່ນໆ ທີ່ປະຕິບັດໜ້າທີ່ຕົວຈິງໃຫ້ເກີດຜົນປະໂຫຍດສູງສຸດ.

info@lfnd.org.la | 021 213754 | (856-21) 453191