ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດ ແລະ ອົງການຈັດຕັ້ງມະຫາຊົນແຂວງວຽງຈັນ ປາຖະກະຖາວັນສຳຄັນທາງປະຫວັດສາດທັງພາຍໃນ ແລະ ຕ່າງປະເທດ.

ໃນຕອນເຊົ້າ ວັນທີ 28 ກັນຍາ ຜ່ານມາ ອົງການແນວລາວສ້າງຊາດ  ແລະ ອົງການຈັດຕັ້ງມະຫາຊົນ ແຂວງວຽງຈັນ ຈັດພິທີປາຖະກະຖາວັນສຳຄັນທາງປະຫວັດສາດທັງພາຍໃນ ແລະ ຕ່າງປະເທດ ໂດຍການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ, ທ່ານ ຄຳພູທອນ ເທບສຸພົມ ກຳມະການພັກແຂວງ ປະທານ ສະຫະພັນກຳມະບານແຂວງວຽງຈັນ, ເຂົ້າຮ່ວມມີບັນດາຮອງປະທານ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ-ວິຊາການ ເຂົ້າຮ່ວມທັງໝົດ 86 ທ່ານ, ຍິງ 54 ທ່ານ.

ໃນພິທີດັ່ງກ່າວ, ໄດ້ຮັບຟັງການປະຖະກະຖາຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 18 ປີ( 9 ກັນຍາ 2002-9 ກັນຍາ 2020) ແລະ ຮັບຟັງການເລົ່າມູນເຊື້ອ ວັນຊາດ ສາທາລະນະລັດສັງຄົມນິຍົມ ຫວຽດນາມ ຄົບຮອບ 75 ປີ(ວັນທີ 2 ກັນຍາ 1945-2 ກັນຍາ 2020).

info@lfnd.org.la | 021 213754 | (856-21) 453191