ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດ ແລະ 3 ອົງການຈັດຕັ້ງມະຫາຊົນແຂວງສາລະວັນ ມອບເຄື່ອງຊ່ວຍເຫຼືອໃຫ້ປະຊາຊົນທີ່ຖືກອັກຄີໄຟ ຢູ່ເມືອງລະຄອນເພັງ

ໃນຕອນເຊົ້າ ວັນທີ 10 ມີນາ 2021 ນີ້ ທ່ານ ຄຳຕາ ໂຮຊົງເລືອງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ພ້ອມດ້ວຍຄະນະນຳຈາກ 3 ອົງການຈັດຕັ້ງມະຫາຊົນຂັ້ນແຂວງ, ຄະນະນຳຂອງເມືອງ ໄດ້ລົງຢ້ຽມ ຢາມ ແລະ ມອບເຄື່ອງຊ່ວຍເຫຼືອຄອບຄົວທີ່ຖືກອັກຄີໄຟ (ໄຟໄໝ້ເຮືອນ) ສອງຄອບຄົວທີ່ບ້ານ ປາກຕະພານ ແລະ ບ້ານບຸດຕະພານ ເມືອງລະຄອນເພັງ, ແຂວງສາລະວັນ, ເຄື່ອງທີ່ມາມອບໃນຄັ້ງນີ້ມີເຄື່ອງອຸປະໂພກ, ບໍລິໂພກ ແລະ ເງິນສົດ ລວມມູນຄ່າທັງໝົດ 7.868.000 ກີບ, ເພື່ອເປັນການຊ່ວຍບັນເທົາທຸກ ແລະ ປົວແປງສະພາບຈິດໃຈຂອງຄອບຄົວຜູ້ປະສົບອັກຄີໄຟໃຫ້ມີສະພາບຈິດໃຈດີຂື້ນ.

ເຫດອັກຄີໄຟ(ໄຟໃໝ້ເຮືອນ) ທັງສອງຫຼັງນີ້ແມ່ນເກີດຂື້ນໃນ ເດຶອນ ກຸມພາ ປີ 2021 ທີີ່ຜ່ານມານີ້ສາຍເຫດຂອງໄຟໃໝ້ຄັ້ງນີ້ແມ່ນເກີດຈາກໄຟຟ້າລັດວົງຈອນ ຢູ່ບ້ານບຸດຕະພານ ແມ່ນເປັນເຮືອນທີ່ເຮັດດ້ວຍເສົາປູນ, ປູແປ້ນ, ແອ້ມແປນ ແລະ ມຸງດ້ວຍສັງກະສີ ເປັນເຮືອນຂອງທ່ານ ນາງ ລິດສະໃໝ ແກ້ວກັນຍາ, ເຫດເກີດຂື້ນໃນວັນທີ 14 ເດຶອນ ກຸມພາ 2021 ເວລາ 11 ໂມງ 30 ລວມມູນຄ່າການເສຍຫານຈາກເຫດການໄຟໄໝ້ມີ 151,300,000 ກີບ, ສ່ວນຢູ່ບ້ານ ປາກຕະພານແມ່ນເປັນເຮືອນຂອງທ່ານ ເຕ້ຍ ຜິວບັບພາ ເຫດເກີດຂື້ນໃນວັນທີ 19 ເດຶອນກຸມພາ 2021 ເວລາ 9 ໂມງ 00 ເປັນເຮືອນທີ່ປູດ້ວຍແປ້ນ, ແອ້ມດ້ວຍຜາກະຕີ ແລະ ມຸງດ້ວຍສັງກະສີ, ລວມມຸູນຄ່າການເສຍຫາຍທັງໝົດ 29 ລ້ານກວ່າກີບ, ລວມມູນຄ່າການເສຍຫາຍທັງສອງຫຼັງ 180.639.000 ກີບ.

info@lfnd.org.la | 021 213754 | (856-21) 453191