ສູນກາງແນວລາວສ້າງຊາດ

Lao Front For National Development

ແນວໂຮມປະເທດຊາດຫວຽດນາມ ສໍາເລັດການຢ້ຽມຢາມ ສປປ ລາວ

ໃນລະຫວ່າງວັນທີ່ 28-31 ພຶດສະພາ, ຄະນະກໍາມະການສູນກາງແນວໂຮມປະເທດຊາດຫວຽດນາມ ນໍາໂດຍ ທ່ານ ເຮົາ ອາ ເລັ່ງ, ກໍາມະການສູນກາງພັກ, ຮອງປະທານ, ເລຂາທິການ ຄະນະກໍາມະການສູນກາງແນວໂຮມປະເທດຊາດຫວຽດນາມ ພ້ອມຄະນະ ໄດ້ເດີນທາງມາ ຢ້ຽມຢາມລາວຢ່າງເປັນທາງການ.

ການມາຢ້ຽມຢາມຂອງຄະນະກໍາມະການສູນກາງແນວໂຮມປະເທດຫວຽດນາມໃນຄັ້ງນີ້ ໄດ້ມີພິທີພົບປະສອງຝ່າຍ ທັງນີ້ກໍ່ເພື່ອຈັດຕັ້ງຜັນຂະຫຍາຍແຈ້ງການຮ່ວມຜົນກອງປະຊຸມເສີມສ້າງຊາຍແດນສັນຕິພາບ, ມິດຕະພາບ ແລະ ການຮ່ວມມືພ້ອມກັນພັດທະນາ ລາວ-ຫວຽດນາມ ໃນໄລຍະ 2017-2020 ທີ່ຈັດຂຶ້ນທີ່ ແຂວງ ກວາງບິ່ງ ສສ ຫວຽດນາມ ແລະ ຜົນສໍາເລັດຂອງ ກອງປະຊຸມປະທານແນວໂຮມ 3 ປະເທດ ( ລາວ-ຫວຽດນາມ-ກຳປູເຈຍ) ທີ່ຈັດຂຶ້ນຢູ່ ນະຄອນຫຼວງຮ່າໂນ້ຍ ສສ ຫວຽດນາມ ພ້ອມກັນນັ້ນ, ຍັງໄດ້ປຶກສາຫາຫລື ແລກປ່ຽນຄຳຄິດຄຳເຫັນໃນຫລາຍໆບັນຫາບໍ່ວ່າຈະເປັນການເພີ່ມທະວີການຮ່ວມມືການຈັດຕັ້ງປະຕິບັດບັນດາສັນຍາ ແລະ ຂໍ້ຕົກລົງຕ່າງໆທີ່ຄະນະກຳມະການສູນກາງແນວລາວສ້າງຊາດ ກັບ ຄະນະກຳມະການສູນ ກາງແນວໂຮມປະເທດຊາດຫວຽດນາມ ທີ່ໄດ້ເຊັນຮ່ວມກັນໃຫ້ເກີດດອກອອກຜົນ ແລະ ເປັນຮູບປະທຳ, ສືບຕໍ່ຮ່ວມມືໃນການພົວພັນດ້ວຍຫລາຍຮູບການ, ເພີ່ມທະວີຄວາມສາມາດໃນການປະຕິບັດວຽກງານຕ່າງໆລະຫວ່າງ ຄະນະກຳມະການສູນ ກາງແນວລາວສ້າງຊາດ ແລະ ຄະນະກຳມະການສູນກາງແນວໂຮມປະເທດຊາດຫວຽດນາມ, ສືບຕໍ່ແລກປ່ຽນຄະນະຜູ້ແທນຂັ້ນສູງ, ເພີ່ມທະວີການຮ່ວມມືການກໍ່່ສ້າງ-ບໍາລຸງໃຫ້ພະນັກງານແນວລາວສ້າງຊາດ ຂັ້ນສູນກາງ ແລະ ທ້ອງຖິ່ນ. ພ້ອມດຽວກັນນັ້ນ, ຍັງໄດ້ເຂົ້າຢ້ຽມຂໍ່ານັບທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນ ກາງແນວລາວສ້າງຊາດ; ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ແຫ່ງ ສປປ ລາວ; ແລະ ທ່ານ ບຸນປອນ ບຸດຕະນະວົງ ກໍາມະການສູນກາງພັກ ຮອງປະທານສະພາແຫ່ງຊາດ.

ນອກຈາກນັ້ນ ທ່ານ ເຮົາ ອາ ເລັ່ງ, ກໍາມະການສູນກາງພັກ, ຮອງປະທານ, ເລຂາທິການ ຄະນະກໍາມະການສູນກາງແນວໂຮມປະເທດຊາດຫວຽດນາມ ພ້ອມຄະນະ ຍັງໄດ້ໄປທ່ຽວຊົມ ຫໍພິພິທະພັນປະທານໄກສອນພົມວິຫານ ແລະ ສະ ຖານທີ່ວັດ ທະນະທໍາຈໍານວນໜຶ່ງ; ພ້ອມນັ້ນ, ຍັງໄດ້ໄປຫໍສິລາຈາລຶກ ວິລະບູລຸດ ສໍາພັນສູ້ຮົບປະສົມລາວ-ຫວຽດນາມ ທີ່ ບ້ານ ເກີນ ເມືອງທຸ ລະຄົມ ແລະ ທ່ຽວຊົມເຂື່ອນໄຟຟ້ານໍ້າງື່ມ ແຂວງວຽງຈັນຕື່ມອີກ.

info@lfnd.org.la | 021 213754 | (856-21) 453191