ສູນກາງແນວລາວສ້າງຊາດ

Lao Front For National Development

ແນວ​ລາວ​ສ້າງ​ຊາດນະຄອນຫຼວງວຽງຈັນ ລົງຢ້ຽມຢາມ ແລະ ອວຍພອນ​ກອງຮ້ອຍ 511

ທ່ານ ຖະ​ໜອມ ທຳ​ທອງ ຄະນະ​ປະຈຳ​ພັກ, ປະທານ​ແນວ​ລາວ​ສ້າງ​ຊາດ ນະຄອນຫຼວງວຽງຈັນ ພ້ອມດ້ວຍຄະນະໄດ້​​ລົງ​ພົບ​ປະ​ຢ້ຽມຢາມ ​ແລະ ອວຍພອນ​​ແກ່​ນາຍ ​ແລະ ພົນທະຫານ ກອງຮ້ອຍ 511 ​​ເນື່ອງ​ໃນ​ໂອກາດວັນ​ສ້າງຕັ້ງ ກອງທັບ​ປະຊາຊົນ​ລາວ ຄົບຮອບ 72 ປີ; ໂອກາດນີ້ຕາງໜ້າ​ອ້າຍ​ນ້ອງນາຍ ​ແລະ ພົນທະຫານ ກອງ​ຮ້ອຍ 2 ​ໃຫ້​ກຽດ​​ຕ້ອນຮັບຄະນະ​ໂດຍ​ ທ່ານ ​ຮ້ອຍ​ເອກ ກົງ​ທອງ ສຸດາ​ວົງ ຮອງ​ການ​ເມືອງ​ກອງຮ້ອຍ.

ເນື່ອງໃນໂອກາດດັ່ງກ່າວ, ທ່ານ ຖະ​ໜອມ ທຳ​ທອງ ໄດ້​ໃຫ້​ກຽດມີ​ຄໍາ​ເຫັນ​ໂອ້​ລົມ ປຸກລະດົມ​ຊຸກຍູ້​ອ້າຍ​ນ້ອງນາຍ ​ແລະ ພົນທະຫານ ໃຫ້​ສືບ​ຕໍ່​​ເປັນ​ຮົ້ວອັນ​ແຂງ​ແກ່ນຂອງ​ຊາດ, ປະຕິບັດ​ໜ້າ​ທີ່​ໃນ​ຄວາມ​ຮັບຜິດຊອບຢ່າງ​ເຂັ້ມ​ງວດ ​ແລະ ມີ​ຜົນ​ສໍາ​ເລັດ​ຮອບດ້ານ ພ້ອມ​ທັງ​ໄດ້ກ່າວ​ອວຍພອນ ​ແລະ ​ມອບ​ເຄື່ອງ​ອຸປະ​ໂພ​ກ ບໍລິ​ໂພ​ກຈໍານວນ​ໜຶ່ງ ລວມມູນ​ຄ່າ​ 4 ລ້ານກ່ວາ​ກີບ ແລະ ຕາງໜ້າຮັບ​ໂດຍ​ແມ່ນ ​ພັ​ຕ ບົວ​ສອນ ແກ້ວ​ພິ​ກຸນ ຫົວໜ້າ​ການ​ທະຫານ​ ກອງຮ້ອຍ 2 ​ໂດຍ​ມີ​ພະນັກງານ, ອ້າຍ​ນ້ອງນາຍ ​ແລະ ​ພົນທະຫານ ເຂົ້າຮ່ວມຢ່າງ​ພ້ອມພຽງ.

ຢູ່ທີ່ກອງຮ້ອຍ 511 ​​ໃນ​ວັນ​ທີ 29 ມັງກອນ 2021 ທີ່ຜ່ານມາ.

info@lfnd.org.la | 021 213754 | (856-21) 453191