ສູນກາງແນວລາວສ້າງຊາດ

Lao Front For National Development

ແນວ​ລາວ​ສ້າງ​ຊາດ​ແຂວງໄຊຍະບູລີ ມອບ​ເຄື່ອງບັນ​ເທົາ​ທຸກ​ໃຫ້​ພະ​ນັກ​ງານແນວ​ລາວ​ສ້າງ​ຊາດທີ່​ຖືກ​ຜົນ​ກະ​ທົບຈາກໄພ​ພິ​ບັດ​ທຳ​ມະ​ຊາດ

ຕອນ​ເຊົ້າວັນທີ 7 ກໍລະກົດ 2021 ຢູ່ທີ່ຫ້ອງປະຊຸມແນວລາວສ້າງຊາດແຂວງ ມີພິທີມອບເຄື່ອງຊ່ວຍເຫຼືອບັນເທົາທຸກ ໃຫ້ພະນັກງານທີ່ຖືກຜົນກະທົບໄພນໍ້າຖ້ວມ​ ຄັ້ງ​ວັນ​ທີ 14 ມີ​ຖຸ​ນາ 2021 ໂດຍໃຫ້ກຽດ​ເປັນ​ປະ​ທານຂອງ ທ່ານ ຄໍາສີິ ແພງສະຫວັນ ກໍາມະການສູນກາງແນວລາວສ້າງຊາດ, ກໍາມະການປະຈໍາພັກແຂວງ, ປະທານແນວລາວສ້າງຊາດແຂວງ, ມີບັນດາທ່ານຮອງປະທານແນວລາວສ້າງຊາດແຂວງ, ປະທານແນວລາວສ້າງຊາດເມືອງ,  ພະນັກງານຫຼັກແຫຼ່ງຂອງຫ້ອງການແນວລາວສ້າງຊາດແຂວງ – ເມືອງເຂົ້າຮ່ວມ ທັງໝົດ  28 ທ່ານ, ຍິງ 12 ທ່ານ.

ພິທີດັ່ງກ່າວທ່ານ ຄໍາສີ ແພງສະຫວັນ ຕາງໜ້າໃຫ້ສູນກາງແນວລາວສ້າງຊາດ ມອບ​ເງີນຊ່ວຍເຫຼືອບັນເທົາທຸກໃຫ້ຄອບຄົວພະນັກງານແນວລາວສ້າງຊາດແຂວງ-ແນວລາວສ້າງຊາດເມືອງໄຊຍະບູລີ ທີ່ຖືກຜົນກະທົບຈາກໄພທໍາມະຊາດນໍ້າຖ້ວມ ຈໍານວນ 19 ທ່ານ.

ໃນຕອນທ້າຍ ທ່ານ ປະທານແນວລາວສ້າງຊາດແຂວງ ໄດ້ມີຄໍາເຫັນຊີ້ນໍາ ຊຶ່ງໄດ້ຍົກໃຫ້ເຫັນສະພາບໄພນໍ້າຖ້ວມຢູ່ເມືອງໄຊຍະບູລີ ໃນ​ຄັ້ງ​ນີ້​ມີ​ຜົນ​ກະ​ທົບ​ຕໍ່​ຊັບ​ສີນ, ສັດ​ລ້ຽງ​ປະ​ເພດ​ຕ່າງໆ ແລະ ການ​ຜະ​ລິດ ​ເສຍ​ຫາຍ​ຢ່າງຫຼວງຫຼາຍ ພ້ອມທັງໄດ້ເນັ້ນ​ໜັກໃຫ້​ພະ​ນັກ​ງານ​ລັດ​ຖະ​ກອນ​ຈົ່ງ​ເພີ່ມ​ສະ​ຕິ​ລະ​ວັງ​ຕົວ​ຂຶ້ນ​ຕື່ມ ​ເອົາ​ໃຈ​ໃສ່​ເບິ່ງ​ແຍງ​ຊີ​ວິດ​ການ​ເປັນ​ຢູ່, ຮັກ​ສາ​ສຸ​ຂະ​ພາບ​ໃຫ້​ແຂງ​ແຮງ ຈົ່ງລະວັງພະຍາດໄຂ້ຍຸງລາຍອາດຈະເກີດຂຶ້ນຕາມມາ ພ້ອມທັງມີສະຕິລະວັງການແຜ່ລະບາດພະຍາດໂຄວິດ-19.

 

info@lfnd.org.la | 021 213754 | (856-21) 453191