ສູນກາງແນວລາວສ້າງຊາດ

Lao Front For National Development

ແນວ​ລາວ​ສ້າງ​ຊາດ​ແຂວງ​ໄຊ​ຍະ​ບູ​ລີ ສະຫຼຸບ​ວຽກ​ງານ​ຮອບ​ດ້ານ ​ໃນ 1 ເດືອນ ​ຜ່ານ​ມາ

ຕອນ​ເຊົ້າ​ຂອງວັນ​ທີ 1 ມີ​​ນາ 2021 ຢູ່​ທີ່​ຫ້ອງ​ປະ​ຊຸມ​ຫ້ອງ​ການ​ແນວ​ລາວ​ສ້າງ​ຊາດ​ແຂວງ ໄດ້ຈັດ​ພິ​ທີ​ສະຫຼຸບ​​ຕິ​ລາ​ຄາ​ວຽກ​ງານ​ຮອບ​ດ້ານ​ໃນ​ 1 ເດືອນ​ຜ່ານ​ມາ​ ໂດຍ​ການ​ເປັນປະ​ທານ​ຂອງ ທ່ານ ຄຳ​ສີ ແພງ​ສະ​ຫວັນ ກຳ​ມະ​ການປະ​ຈຳ​ພັກ​ແຂວງ, ປະ​ທານ​ແນວ​ລາວ​ສ້າງ​ຊາດ​ແຂວງໄຊຍະບູລີ, ມີບັນດາຮອງປະທານແນວລາວສ້າງຊາດແຂວງ, ບັນດາຂະແໜງການ ພ້ອມດ້ວຍ ພະ​ນັກ​ງານ-ລັດ​ຖະ​ກອນ ຂອງແນວລາວສ້າງຊາດແຂວງ ເຂົ້າ​ຮ່ວມ​.

ກອງ​ປະ​ຊຸມ​ຄັ້ງ​ນີ້ ​ໄດ້​ຮັບ​ຟັງ​ການ​ຕີ​ລາ​ຄາ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຮອບ​ດ້ານ​ ຂອງ​ແນວ​ລາວ​ສ້າງ​ຊາດ​ແຂວງ ໃນ​ໄລ​ຍະ 1 ເດືອນ​ທີ່​ຜ່ານ​ມາ​ ເຊິ່ງໄດ້​ຍົກ​ໃຫ້​ເຫັນ​ດ້ານ​ດີ, ​ດ້ານ​ອ່ອນ, ຂໍ້​ຄົງ​ຄ້າງ, ບົດ​ຮຽນ​ທີ່​ຖອນ​ຖອດ​ໄດ້​ ແລະ ທິດ​ທາງ​ແຜນ​ການໃນ​ຕໍ່​ໜ້າ​ ພ້ອມ​ທັງ​ແຜນການກະ​ກຽມ​ປະ​ກາດ​ເມືອງ​ສາ​ມັກ​ຄີ​ປອງດອງ​ຕື່ມ 3 ເມືອງ.​ ພ້ອມກັນນີ້, ​ໄດ້​ປະ​ກອບ​ຄຳ​ຄິດ​ເຫັນ​ຕໍ່​ຮ່າງ​ບົດ​ສະຫຼຸບ ແລະ ທິດ​ທາງ​ແຜນ​ການ​ປະ​ຈຳ​ເດືອນຕໍ່ໄປ ຢ່າງກົງໄປກົງມາ.

ທ່ານ ​ປະ​ທານ​ແນວ​ລາວ​ສ້າງ​ຊາດ​ແຂວງ ໄຊຍະບູລີ ​ໄດ້​ມີ​ຄຳ​ເຫັນ​ຕໍ່ກອງປະຊຸມຕື່ມວ່າ ໃຫ້ແຕ່ລະ​ຂະ​ແໜງ​ການສຶບ​ຕໍ່​ປະ​ຕິ​ບັດ​ໜ້າ​​ທີ່ວຽກ​ງານວິຊາສະເພາະ ​ໃຫ້​ປະ​ສົບ​ຜົນ​ສຳ​ເລັດ ແລະ ​ສຶບ​ຕໍ່ສະ​ເໜີ​ຫາ​ສູນ​ກາງ​ແນວ​ລາວ​ສ້າງ​ຊາດ ​ເພື່ອ​ຈັດ​ພິ​ທີ​ປະ​ກາດ​ຮັບ​ຮອງ​ ເມືອງໄຊ​ຍະ​ບູ​ລີ, ​ເມືອງບໍ່​ແຕນ ແລະ ເມືອງຫົງ​ສາ ເປັນ​ເມືອງ​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງ​ດອງ.

info@lfnd.org.la | 021 213754 | (856-21) 453191