ສູນກາງແນວລາວສ້າງຊາດ

Lao Front For National Development

ໂຄງການຊ່ວຍເຫຼືອປະຊາຊົນຜູ້ຫູໜວກ, ປາກກືກ ແລະ ກະດູກໜີບເສັ້ນ

ທ່ານ ດຣ ນາງ ວິພາວັນ ພົມວິຫານ ພັນລະຍາປະທານສູນກາງແນວລາວສ້າງຊາດ ໄດ້ເຄື່ອນໄຫວຢ້ຽມຢາມໂຄງການຊ່ວຍເຫຼືອປີ່ນປົວປະຊາຊົນ ຜູ້ຫູໜວດ, ປາກກືກ, ກະດູກໜີບເສັ້ນປະສາດ, ເປັນອຳມະພຶກ, ອຳມະພາດ ໂດຍບໍ່ເສຍຄ່າປິ່ນປົວ(ຊ່ວຍເຫຼືອລ້າ) ເຊິ່ງມີທິມງານແພດຊ່ຽວຊານໜວດຈາກ ສສ ຫວຽດນາມ, ທີ່ມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ສາຂານະ ຄອນຫຼວງວຽງຈັນ(ຫຼັກ 29), ໃນອາທິດຜ່ານມາ.

ໂຄງການດັ່ງກ່າວ, ແມ່ນພາຍໃຕ້ການຮ່ວມມືລະຫວ່າງ ສູນກາງແນວລາວສ້າງຊາດ, ອົງການພຸດທະສາສະໜາສຳພັນລາວ, ກຳ ມະທິການ ສາທາລະນຸປະການ, ໜ່ວຍງານສັງຄົມສົງເຄາະ, ມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ສາຂານະຄອນຫຼວງວຽງຈັນ. ໂຄງການຊ່ວຍເຫຼືອຄັ້ງນີ້ ແມ່ນໄດ້ຈັດຂຶ້ນເປັນຄັ້ງທີ່ 2 ແລະ ຄັ້ງນີ້ໄດ້ດໍາເນີນເປັນເວລາ 3 ວັນ (ແຕ່ວັນທີ 16-18 ມິຖຸ ນາ 2018 ນີ້); ສ່ວນຄັ້ງທີ່ 1 ແມ່ນໄດ້ຈັດຂຶ້ນໃນລະຫວ່າງວັນທີ 9-10 ມິຖຸນາ 2018 ຜ່ານມານີ້ ແລະ ໄດ້ມີຜູ້ເຂົ້າຮັບການປິ່ນ ປົວຈຳນວນ 370 ຄົນ, 85 ຄົນແມ່ນຫູໜວກ-ປາກກືກ ແລະ 285 ຄົນແມ່ນກະດູກໜີບເສັ້ນປະສາດ.

info@lfnd.org.la | 021 213754 | (856-21) 453191