ໂດຍປະຕິບັດຕາມແຈ້ງການຂອງຄະນະພັກ ສນຊ ສະບັບເລກທີ 04/ຄພ.ສນຊ ລົງວັນທີ 27.8.2021 ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍເອກະສານສຳຄັນຂອງພັກປະຊາຊົນ ປະຕິວັດລາວ. ວັນທີ 1.9.2021 ຫ້ອງການສູນກາງແນວລາວສ້າງຊາດ ໄດ້ມີພິທີເຊື່ອມຊຶມເອກະສານ ເຊິ່ງເອກະສານທີ່ນຳມາເຊື່ອມຊຶມໃນຄັ້ງນີ້ມີ: ຄຳສັ່ງສະບັບເລກທີ 01/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ້ມທະວີການນຳພາ-ຊີ້ນຳຂອງຄະນະພັກແຕ່ລະຂັ້ນໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ, ຄຳສັ່ງ ເລກທີ 02/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ້ມທະວີການນຳພາ-ຊີ້ນຳຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ, ຄຳແນະນຳຂອງຄະນະຈັດຕັ້ງສູນກາງພັກ ເລກທີ 102/ຄຈສພ, ລົງວັນທີ 24/6/2021 ກ່ຽວກັບການຈັດຕັ້ງປະຕິບັດກົດລະບຽບຂອງພັກປະຊາຊົນປະຕິວັດລາວ ສະໄໝທີ XI; ບົດແນະນຳຂອງຄະນະກວດກາສູນກາງພັກ ເລກທີ 194/ຄກສພ, ລົງວັນທີ 8/7/2021 ວ່າດ້ວຍການຈັດຕັ້ງປະຕິບັດລະບຽບພັກ ສະໄໝທີ XI ກ່ຽວກັບວຽກງານຕິດຕາມ, ກວດກາຂອງພັກ, ຄະນະກວດກາພັກ ແລະ ຄະນະວິໄນຂອງ

ພັກແຕ່ລະຂັ້ນ, ກົດລະບຽບພັກປະຊາຊົນ ປະຕິວັດລາວ ສະໄໝທີXI. ໃຫ້ກຽດເຜີຍແຜ່ໂດຍ ສະຫາຍ ຈັນເພັງ ສຸດທິວົງ ເລຂາໜ່ວຍພັກ, ຫົວໜ້າຫ້ອງການສູນກາງແນວລາວສ້າງຊາດ, ການເຊື່ອມຊຶມເອກະສານໃນຄັ້ງນີ້ມີ ສະມາຊິກພັກອາວຸໂສໜ່ວຍພັກຫ້ອງການ, ຄະນະໜ່ວຍພັກ, ສະມາຊິກພັກ, ພະນັກງານ-ລັດຖະກອນພາຍໃນໜ່ວຍພັກຫ້ອງການເຂົ້າຮ່ວມຢ່າງພ້ອມພຽງ.

ການເຊື່ອມຊຶມໃນຄັ້ງນີ້ເພື່ອເຮັດໃຫ້ສະມາຊິກພັກ ແລະ ພະນັກງານ-ລັດຖະກອນພາຍໃນຫ້ອງການ ໄດ້ເຊື່ອມຊຶມ, ກຳແໜ້ນ, ເຂົ້າໃຈຢ່າງເລິກເຊິ່ງແລະ ມີຄວາມເປັນເອກະພາບກັນທັງພາຍໃນຫ້ອງການ ແລະ ບັນດາກົມ ເພື່ອນຳໄປຈັດຕັ້ງປະຕິບັດ ເຂົ້າໃນໜ້າທີ່ວຽກງານການເມືອງຂອງຕົນໃຫ້ໄດ້ຮັບຜົນສຳເລັດເປັນຢ່າງດີ.

ບ.ກໂດຍ: ໄພຈິດ

ພາບ+ຂ່າວ: ແກ້ວອຸດົມ