ສູນກາງແນວລາວສ້າງຊາດ

Lao Front For National Development

ໜ່ວຍພັກອົງການແນວລາວສ້າງຊາດແຂວງອຸດົມໄຊ ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020

ພິທີມອບ-ຮັບໃບຍັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020 ໃຫ້ໜ່ວຍພັກອົງການແນວລາວສ້າງຊາດ ແຂວງອຸດົມໄຊ ໄດ້ຈັດຂຶ້ນໃນວັນທີ 23 ກຸມພາ 2021 ນີ້ ທີ່ຫ້ອງປະຊຸມແນວລາວສ້າງຊາດແຂວງ.

ສະຫາຍ ນາງ ຈັນທະຈອນ ດວງສຸກ ເລຂາໜ່ວຍພັກ ຮອງປະທານແນວລາວສ້າງຊາດແຂວງ ໄດ້ໃຫ້ຮູ້ວ່າ: ໜ່ວຍພັກອົງການແນວລາວສ້າງຊາດແຂວງອຸດົມໄຊ ເປັນໜ່ວຍພັກໜຶ່ງທີ່ ປະຕິບັດພາລະບົດບາດ, ສິດ ແລະ ໜ້າທີ່ ໃນການສຶກສາອົບຮົມ ເຕົ້າໂຮມຄວາມສາມັກຄີ ພະນັກງານສະມາຊິກພັກພາຍໃນຄວາມຮັບຜິດຊອບຂອງຕົນ ເຊິ່ງມີພະສະມາຊິກພັກທັງໝົດ 13 ສະຫາຍ ຍິງ 5 ສະຫາຍ ທີ່ໄດ້ເຄື່ອນໄຫວປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນນັ້ນຄະນະພັກໄດ້ຖືເອົາການສຶກສາອົບຮົມການເມືອງ-ແນວຄິດໃຫ້ແກ່ພະນັກງານສະມາຊິກພັກຂອງຕົນ ສ້າງໃຫ້ພະນັກງານສະມາຊິກພັກ ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມຈົງຮັກພັກດີ, ມີນໍ້າໃຈເສຍສະຫຼະ, ຕ້ານທຸກປະກົດການຫຍໍ້ທໍ້ ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ ຕັ້ງໜ້າຮັບໃຊ້ຊາດ, ຮັບໃຊ້ປະຊາຊົນ, ມີສະຕິຕໍ່ການຈັດຕັ້ງ ເຄົາລົບລະບຽບກົດໝາຍຢ່າງເຂັ້ມງວດ, ຄະນະພັກໄດ້ຖືເອົາການປະຕິບັດຫຼັກການນຳພາເປັນໝູ່ຄະນະ, ມີການດຳເນີນຊີວິດການເມືອງ ກວດກາເປັນປົກກະຕິ, ຕໍານິກໍ່ສ້າງເຊິ່ງກັນ ແລະ ກັນ. ໂອກາດດຽວກັນນີ້ ໄດ້ມອບບັດສະມາຊິກພັກສົມບູນໃຫ້ 4 ສະຫາຍ ຍິງ 2 ສະຫາຍ, ຜ່ານການປະເມີນຜົນຂອງໜ່ວຍພັກ ແລະ ບັນດາສະມາຊິກພັກ ສາມາດຕີລາຄາໄດ້ສະມາຊິກພັກແຂງ 10 ສະຫາຍ,  ຍິງ 5 ສະຫາຍ, ກາງ 2 ສະຫາຍ ສາມາດຈັດປະເພດເປັນໜ່ວຍພັກແຂງ. ດັ່ງນັ້ນ, ຈື່ງສາມາດຢັ້ງຢືນ ແລະ ຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020.

ໃຫ້ກຽດເຂົ້າຮ່ວມ ແລະ ມອບໃບຍັ້ງຢືນຄັ້ງນີ້ໂດຍແມ່ນສະຫາຍ ວັນນາ ແກ້ວສັນຕິ ກໍາມະການປະຈໍາພັກແຂວງ ປະທານແນວລາວສ້າງຊາດແຂວງ,  ມີຮອງປະທານແນວລາວສ້າງຊາດແຂວງ, ແຂກເຊີນຈາກໜ່ວຍພັກອ້ອມຂ້າງ, ເລຂາ-ຮອງເລຂາໜ່ວຍພັກ ພ້ອມດ້ວຍສະມາຊິກພັກພາຍໃນອົງການແນວລາວສ້າງຊາດແຂວງອຸດົມໄຊເຂົ້າຮ່ວມ.

info@lfnd.org.la | 021 213754 | (856-21) 453191