ສູນກາງແນວລາວສ້າງຊາດ

Lao Front For National Development

ໜ່ວຍພັກຮາກຖານແນວລາວສ້າງຊາດແຂວງ ຄໍາມ່ວນ ສໍາເລັດກອງປະຊຸມໃຫຍ່ ຄັ້ງທີ່ VIII

ກອງປະຊຸມໃຫຍ່ ຄັ້ງທີ່ VIII ຂອງໜ່ວຍພັກຮາກຖານ ແນວລາວສ້າງຊາດແຂວງ ຄໍາມ່ວນ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 5 ມິຖຸນາ 2020 ຜ່ານມານີ ຢູ່ທີ່ຫ້ອງປະຊຸມ ແນວລາວສ້າງຊາດແຂວງ ໂດຍພາຍໃຕ້ການເປັນປະທານຂອງສະຫາຍ ຈັນ ບຸບຜາລີວັນ ກໍາມະການພັກແຂວງ ເລຂາໜ່ວຍພັກຮາກຖານ ແນວລາວສ້າງຊາດແຂວງ ຄໍາມ່ວນ, ເປັນກຽດເຂົ້າຮ່ວມ ຂອງ ສະຫາຍ ພົມມາ ພັນທະລັງສີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ , ມີຄະນະໜ່ວຍພັກພະແນກການອ້ອມຂ້າງແຂວງ, ອົງການຈັດຕັ້ງມະຫາຊົນ, ສະມາຊິກພັກສົມບູນ ແລະ ສໍາຮອງ ພາຍໃນຫ້ອງການແນວລາວສ້າງຊາດແຂວງ ເຂົ້າຮ່ວມ.

ກອງປະຊຸມໃນຄັ້ງນີ້ ສະຫາຍ ນາງໂພສະນາ ໂກດມະນີ ຮອງເລຂາໜ່ວຍພັກຮາກຖານແນວລາວສ້າງຊາດແຂວງ ໄດ້ຜ່ານລາຍງານ ການເຄື່ອນໄຫວຊີ້ນໍາ-ນໍາພາວຽກງານ ໃນໄລຍະ 5 ປີຜ່ານມາ( 2014-2020 ) ແລະ ທິດທາງແຜນການ 5 ປີຕໍ່ໜ້າ, ທັງໄດ້ພ້ອມກັນຄົ້ນຄວ້າ ປະກອບຄຳຄິດຄໍາເຫັນ ແລະ ຮັບຮອງເອົາບົດລາຍງານການ ເມືອງທັງສອງພາກ, ບົດສໍາຫຼວດການນຳພາ ຂອງຄະນະພັກຊຸດທີ VII ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີຖອດຖອນໄດ້ໃນການຊີ້ນໍາ-ນໍາພາ ແລະ ການຈັດຕັ້ງປະຕິບັດ ມະຕິກອງປະຊຸມໃຫຍ່ໃນໄລຍະຜ່ານມາ. ກອງປະຊຸມ ໄດ້ປ່ອນບັດຄັດເລືອກເອົາຄະນະພັກຊຸດໃຫມ່ ເຊິ່ງມີຜູ້ສະໝັກທັງໝົດ 5 ສະຫາຍ, ເລືອກເອົາ 3 ສະຫາຍເປັນຄະນະພັກຊຸດໃໝ່, ກອງປະຊຸມຄັ້ງປະຖົມມະລຶກ ໄດ້ເລືອກເອົາເລຂາ, ຮອງເລຂາ, ຄະນະໜ່ວຍພັກຊຸດໃໝ່ດັ່ງນີ້:

  1. ສະຫາຍ ຈັນ ບຸບຜາລີວັນ ເປັນເລຂາໜ່ວຍພັກ.
  2. ສະຫາຍ ສຸກກະເສີມ ອຸດອນ ເປັນຮອງເລຂາໜ່ວຍພັກ ປະທານກວດກາ.
  3. ສະຫາຍ ນາງ ມະນີຄົມ ພົງເຂັມທອງ ເປັນກໍາມະການ.

ໃນຕອນທ້າຍກອງປະຊຸມ ຍັງໄດ້ຮັບຟັງການໂອລົມຂອງ ສະຫາຍ ພົມມາ ພັນທະລັງສີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ຊຶ່ງສະຫາຍ ກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ກັບຜົນງານ ທີຄະນະພັກຊຸດເກົ່າຍາດມາໄດ້ ພ້ອມນັ້ນກໍ່ຍັງໄດ້ຮຽກຮ້ອງມາຍັງຄະນະພັກຊຸດໃໝ່ໃຫ້ ສືບຕໍ່ສຶກສາອົບຮົມການເມືອງ, ນໍາພາແນວຄິດໃຫ້ແກ່ ພະນັກງານສະມາຊິກພັກ ໃຫ້ກໍາໄດ້ແນວທາງນະໂຍບາຍຂອງພັກ, ມະຕິ, ຄໍາສັ່ງ, ຂໍ້ກໍານົດ, ກົດລະບຽບ, ກົດໝາຍຂອງລັດວາງອອກໃນແຕ່ລະໄລຍະ ເພື່ອແນ່ໃສ່ຮັກສານາມມະຍົດ ໜ່ວຍພັກປອດໃສ, ເຂັ້ມແຂງ, ໜັກແໜ້ນ  ແລະ ສືບຕໍ່ຊີ້ນໍາ-ນໍາພາ ປັບປຸງແບບແຜນວິທີເຮັດວຽກ ຂອງຄະນະພັກ ໃຫ້ມີຄວາມໜັກແໜ້ນ, ເຂັ້ມແຂງທາງດ້ານການເມືອງແນວຄິດ, ການຈັດຕັ້ງ ແລະ ທາງດ້ານວິຊາສະເພາະ.

info@lfnd.org.la | 021 213754 | (856-21) 453191