ສູນກາງແນວລາວສ້າງຊາດ

Lao Front For National Development

ໜ່ວຍພັກແນວລາວສ້າງຊາດແຂວງຫຼວງພະບາງ ໄດ້ຮັບນາມມະຍົດ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ

ໜ່ວຍພັກແນວລາວສ້າງຊາດແຂວງຫຼວງພະບາງໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020 ໃນວັນທີ 19 ເມສາ 2021 ທີ່ຫ້ອງປະຊຸມແນວລາວສ້າງຊາດແຂວງ ໂດຍໃຫ້ກຽດເຂົ້າຮ່ວມຂອງ ສະຫາຍ ສຸກັນ ບຸນຍົງ ຮອງເລຂາພັກແຂວງ ປະທານແນວລາວສ້າງຊາດແຂວງ, ມີສະຫາຍ ເອິງ ລໍສະຫວັນ ເລຂາໜ່ວຍພັກແນວລາວສ້າງຊາດແຂວງ, ມີຮອງເລຂາໜ່ວຍພັກ, ຕາງໜ້າໜ່ວຍພັກອ້ອມຂ້າງ ແລະ ສະມາຊິກພັກ ເຂົ້າຮ່ວມ.

ໃນພິທີ ສະຫາຍ ອ່ອນສີ ຈ່າເພຍວ່າ ໄດ້ຜ່ານບົດສະຫຼຸບການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020 ພ້ອມທັງຕີລາຄາຜົນການປະເມີນການສ້າງໜ່ວຍພັກ ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງ ແລະ ທິດທາງແຜນການໃນຕໍ່ໜ້າ. ພ້ອມກັນນັ້ນ, ສະຫາຍ ສຸກັນ ບຸນຍົງ ໄດ້ໃຫ້ກຽດມອບໃບຢັ້ງຢືນ, ມອບຫຼຽນກາແຮງງານ, ໃບຍ້ອງຍໍລັດຖະບານ, ຫຼຽນກາລະນຶກ 70 ປີ ແນວລາວສ້າງຊາດ, ໃບຍ້ອງຍໍຂັ້ນແຂວງ ໃຫ້ບຸກຄົນທີ່ມີຜົນງານ ປະກອບສ່ວນໃນວຽກງານແນວລາວສ້າງຊາດ ຕະຫຼອດໄລຍະຜ່ານມາຕື່ມອີກ.

ຕອຍທ້າຍ ສະຫາຍຮອງເລຂາພັກແຂວງໄດ້ມີຄໍາເຫັນໂອ້ລົມ ເຊິ່ງສະຫາຍໄດ້ຍ້ອງຍໍຊົມເຊີຍຜົນງານການ ສ້າງໜ່ວຍພັກໃນຄັ້ງນີ້ ແລະ ສະຫາຍໄດ້ເນັ້ນໜັກໃຫ້ສືບຕໍ່ຮັກສາມູນເຊື້ອ-ຜັນຂະຫຍາຍການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນໃຫ້ດີ, ສືບຕໍ່ຊອກຮູ້ຮໍ່າຮຽນແນວທາງນະໂຍບາຍ ຂອງພັກ ເພື່ອນໍາມາຈັດຕັ້ງປະຕິບັດ ໃຫ້ໄດ້ຮັບປະສິດທິຜົນ.

 

info@lfnd.org.la | 021 213754 | (856-21) 453191