ສູນກາງແນວລາວສ້າງຊາດ

Lao Front For National Development

ໜ່ວຍພັກແນວລາວສ້າງຊາດ ແຂວງບໍແກ້ວ ສໍາເລັດເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ.

ໃນລະຫວ່າງວັນທີ 12-14 ມັງກອນ 2021 ນີ້ ຢູ່ທີຫ້ອງປະຊຸມແນວລາວສ້າງຊາດ ແຂວງ ບໍ່ແກ້ວ ໄດ້ເປີດຮຽນສະໜັບສະໜູນໃຫ້ແກ່ມະຊົນຜູ້ກ້າວໜ້າເປົ້າໝາຍຂະຫຍາຍເຂົ້າພັກ ໂດຍການເປັນປະທານຂອງ ສະຫາຍ ຄໍາດີ ສີປະເສີດ ຮອງເລຂາໜ່ວຍພັກແນວລາວສ້າງຊາດແຂວງ, ຮອງປະທານແນວລາວສ້າງຊາດແຂວງ, ມີບັນສະມາຊິກພັກສົມບູນ ຕະຫຼອດຮອດ ມະຫາຊົນຜູ້ກ້າວໜ້າເຂົ້າຮ່ວມຢ່າງພ້ອມພຽງ.

ພິທີແມ່ນໄດ້ຜ່ານມະຕິຕົກລົງຂອງຄະນະປະຈໍາພັກແຂວງບໍ່ແກ້ວ ສະບັບເລກທີ 1510/ຄປພຂ.ບກ, ລົງວັນທີ 30 ທັນວາ 2020 ວ່າດ້ວຍການອະນຸມັດເປີດຮຽນສະໜັບສະໜູນພັກ ໃຫ້ມະຫາຊົນຜູ້ກ້າວໜ້າ ທີ່ເປັນເປົ້າໝາຍເພື່ອຂະຫຍາຍເຂົ້າພັກ ຂອງໜ່ວຍພັກແນວລາວສ້າງຊາດແຂວງ ມີທັງໝົດ 3 ສະຫາຍ, ຍິງ 2 ສະຫາຍ ຄື: ສະຫາຍ ສົມຈັນ ແຊ່ລີ, ສະຫາຍ ນາງ ອໍາພອນ ໄຊຍະວົງ, ສະຫາຍ ນາງ ວິ ອໍຕອງຫວັນ. ສຳລັບເອກະສານທີ່ນຳມາຮຽນໃນຄັ້ງນີ້ແມ່ນປະກອບມີ 11 ຄຳຖາມ, 11 ຄຳຕອບ ທັງນີ້ ກໍ່ເພື່ອເຮັດໃຫ້ມະຊົນຜູ້ກ້າວໜ້າເປົ້າໝາຍຂະຫຍາຍເຂົ້າເປັນສະມາຊິກພັກຮັບຮູ້ເບື້ອງຕົ້ນກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ, ເຂົ້າໃຈກ່ຽວກັບມາດຖານເງື່ອນໄຂຜູ້ທີ່ຈະເປັນສະມາຊິກພັກ, ຜົນປະໂຫຍດຂອງສະມາຊິກພັກ  ເພື່ອເຮັດໃຫ້ມະຫາຊົນຜູ້ກ້າວໜ້າແຕ່ລະສະຫາຍມີຄວາມຮັບຮູ້ເຂົ້າໃຈເລິກເຊິ່ງກ່ຽວກັບການກໍ່ສ້າງ ແລະ ຂະຫຍາຍພັກ, ກຳໄດ້ເນື້ອໃນພື້ນຖານ ແລະ ຫຼັກການລວມຂອງພັກ, ພ້ອມທັງສາມາດຕີລາຄາ ແລະ ວິເຄາະບັນຫາໄດ້ໃນລະດັບໃດໜື່ງທີ່ແນ່ນອນ. ຈາກນັ້ນທັງ 3 ສະຫາຍ ກໍ່ໄດ້ຜ່ານຮ່າງບົດສັງລວມຄວາມຮັບຮູ້ເຂົ້າໃຈໃນການຮຽນເອກະສານຂອງໃຜລາວ ໂອກາດດຽວກັນ ຄະນະຮັບຜິດກໍ່ໄດ້ມີການຜັດປ່ຽນກັນຕັ້ງຄໍາຖາມ ເພື່ອເປັນການ ຕີລາຄາຄືນກ່ຽວກັບຄວາມຮັບຮູ້ເຂົ້າໃຈຂອງມະຫາຊົນຜູ້ກ້າວໜ້າແຕ່ລະສະຫາຍ ພ້ອມທັງມອບໃບຢັ້ງຢືນການຮຽນສະໜັບສະໜູນໃນຄັ້ງນີ້ໃຫ້ແກ່ມະຫາຊົນ ໄວ້ເພື່ອເປັນຫຼັກຖານໃຫ້ກຽດມອບໂດຍ ສະຫາຍ ຄໍາດີ ສີປະເສີດ ຮອງເລຂາໜ່ວຍພັກແນວລາວສ້າງຊາດແຂວງ, ຮອງປະທານແນວລາວສ້າງຊາດແຂວງ ບໍ່ແກ້ວ.

info@lfnd.org.la | 021 213754 | (856-21) 453191