ສູນກາງແນວລາວສ້າງຊາດ(ສນຊ) ຈັດກອງປະຊຸມປຶກສາຫາລືໃສ່ຮ່າງວິໄສທັດ 2035 ແລະ ຍຸດທະສາດ 2030 ຂອງແນວລາວສ້າງຊາດ ຂຶ້ນຢູ່ທີ່ຫ້ອງປະຊຸມສູນຝຶກອົບຮົມ ສນຊ ໃນວັນທີ 25 ກັນຍາ 2020, ໂດຍການເປັນປະທານຂອງທ່ານ ຈັນເພັງ ສຸດທິວົງ ຄະນະປະຈຳ ຫົວໜ້າຫ້ອງການ ສູນກາງແນວລາວສ້າງຊາດ, ມີບັນດາທ່ານ ຄະນະປະຈຳ, ຫົວໜ້າ-ຮອງຫົວໜ້າກົມ, ສູນຝຶກອົບຮົມ ພ້ອມດ້ວຍ ພະນັກງານວິຊາການທີ່ກ່ຽວຂ້ອງ ເຂົ້າຮ່ວມ.
ກອງປະຊູມຄັ້ງນີ້, ໄດ້ຮັບຟັງການຜ່ານຮ່າງບົດວິໄສທັດ 2035 ແລະ ຍຸດທະສາດ 2030 ຂອງແນວລາວສ້າງຊາດ ໂດຍຫຍໍ້. ພ້ອມກັນນັ້ນ, ກໍໄດ້ມີການປະກອບຄຳຄິດຄຳເຫັນເພື່ອປະກອບໃສ່ຮ່າງວິໄສທັດດັ່ງກ່າວ ຢ່າງກົງໄປກົງມາ ເພື່ອນຳໄປປັບປຸງແກ້ໄຂ ໃຫ້ເປັນຮ່າງສົມບູນ ເພື່ອລາຍງານ ແລະ ຂໍທິດຊີ້ນຳ ຈາກຄະນະປະຈຳ ສູນກາງແນວລາວສ້າງຊາດ.