ສູນກາງແນວລາວສ້າງຊາດ

Lao Front For National Development

ໃນລະຫວ່າງວັນທີ່ 22-25 ເມສານີ້, ຄະນະຜູ້ແທນຂັ້ນສູງ ຄະນະກໍາມະການຊົນເຜົ່າ ແຫ່ງ ລັດຖະບານ ສສ ຫວຽດນາມ ນໍາໂດຍ ທ່ານ ໂດ້ ວັນ ຈ່ຽນ, ກໍາມະການສູນກາງພັກ, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ພ້ອມຄະນະ ໄດ້ເດີນທາງມາຢ້ຽມຢາມລາວຢ່າງເປັນທາງການ.

ການມາຢ້ຽມຢາມຂອງຄະນະຜູ້ແທນຂັ້ນສູງ ຄະນະກໍາມະການຊົນເຜົ່າ ແຫ່ງ ສສ ຫວຽດນາມໃນຄັ້ງນີ້ ໄດ້ມີການພົບປະແລກ ປ່ຽນບົດຮຽນສອງຝ່າຍ ລະຫວ່າງ ສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດ ນາມ ເຊິ່ງຝ່າຍລາວນຳໂດຍ ທ່ານ ຄໍາໃບ ດໍາລັດ ກໍາມະການສູນກາງພັກ ຮອງປະທານສູນກາງແນວລາວສ້າງຊາດ ຝ່າຍຫວຽດ ນາມນຳໂດຍ ທ່ານ ໂດ້ ວັນ ຈ່ຽນ, ກໍາມະການສູນກາງພັກ, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ທີ່ສູນກາງແນວລາວສ້າງຊາດ ເພື່ອເປັນການທົບທວນຄືນການຈັດຕັ້ງປະຕິບັດວຽກງານທີ່ຜ່ານມາ ທີ່ໄດ້ເຊັນ ບົດບັນທຶກຮ່ວມມືນຳກັນແຕ່ວັນທີ 13 ​ສິງຫາ 2012 ທີ່ນະຄອນຮ່າໂນ້ຍ ສສ ຫວຽດນາມ; ພ້ອມກັນນີ້ທັງສອງຝ່າຍໄດ້ປຶກ ສາຫາລືການສືບຕໍ່ຮ່ວມມືໃນການພົວພັນການຜັນຂະຫຍາຍເຖິງວຽກງານຊົນເຜົ່າດ້ວຍຫລາຍຮູບການ, ເພີ່ມທະວີຄວາມສາ ມາດວຽກງານການຈັດຕັ້ງສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ, ​ເພີ່ມ​ທະວີ​ການ​ຮ່ວມ​ມື ​ແລະ ການ​ຊ່ວຍ​ເຫລືອ​ເຊິ່ງກັນ ​ແລະ ກັນ, ນອຈາກນັ້ນ ຍັງໄດ້ປຶກສາຫາລື, ຊຸກຍູ້ການແລກປ່ຽນ ແລະ ການຈັດກອງປະຊຸມຮ່ວມກັນ ລະຫວ່າງ ຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ແລະ ຄະນະກໍາມະການສູນກາງແນວລາວສ້າງຊາດ ກ່ຽວກັບວຽກງານຊົນເຜົ່າ ຢູ່ບັນດາແຂວງຂອງ ສປປ ລາວ ແລະ ສສ ຫວຽດນາມ ທີ່ມີຊາຍແດນຕິດຈອດກັນ ເພື່ອສ້າງ ໂອກາດເຮັດວຽກຮ່ວມກັນ ໃນການແລກປ່ຽນປະສົບການວຽກງານຊົນເຜົ່າຂັ້ນສູນກາງ ແລະ ທ້ອງຖິ່ນ ຂອງສອງປະເທດ ທັງນັ້ນ ເພື່ອຊຸກຍູ້ ແລະ ເສີມຂະຫຍາຍການຮ່ວມມືເຂົ້າສູ່ລວງເລິກ, ທັງປະກອບສ່ວນເຂົ້າໃນການສ້າງຊາຍແດນຂອງສອງ ປະເທດ ໃຫ້ເປັນຊາຍແດນແຫ່ງມິດຕະພາບ, ການພັດທະນາຍືນຍົງ ທັງຊ່ວຍເຫຼືອເຊິ່ງກັນ ແລະ ກັນໃນການພັດ ທະນາ ຊົນນະບົດເຂດຊົນເຜົ່າລຽບຕາມຊາຍແດນຂອງສອງປະເທດ; ພ້ອມດຽວກັນນັ້ນ ຄະນະຜູ້ແທນຂັ້ນສູງ ຄະນະກໍາມະການຊົນ ເຜົ່າ ແຫ່ງ ລັດຖະບານ ສສ ຫວຽດນາມ ຍັງໄດ້ພົບປະແລກປ່ຽນບົດຮຽນສອງຝ່າຍກັບກະຊວງພາຍໃນຕື່ມອີກ.


ໃນໂອກາດມາຢ້ຽມຢາມ ແລະ ເຮັດວຽກໃນຄັ້ງນີ້ ຄະນະຜູ້ແທນຂັ້ນສູງ ຄະນະກໍາມະການຊົນເຜົ່າ ແຫ່ງ ສສ ຫວຽດນາມ ຍັງໄດ້ ເຂົ້າຢ້ຽມຂໍ່ານັບທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ແລະ ທ່ານ ນ. ປານີ ຢ່າທໍ່ຕູ້ ກໍາມະການກົມການເມືອງສູນກາງພັກ ປະທານສະພາແຫ່ງຊາດ.

ນອກຈາກນັ້ນ ທ່ານ ໂດ້ ວັນ ຈ່ຽນ, ກໍາມະການສູນກາງພັກ, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ພ້ອມຄະນະ ຍັງໄດ້ເດີນທາງໄປເຄື່ອນໄຫວຢ້ຽມຢາມ ແຂວງ ຫຼວງພະບາງ ເຊິ່ງໄດ້ເຂົ້າຢ້ຽມຂໍ່ານັບ ທ່ານ ຄໍາ ຂັນ ຈັນທະວີສຸກ ເລຂາພັກແຂວງ ເຈົ້າແຂວໆຫຼວງພະບາງ ແລະ ຢ້ຽມຢາມ ໂຮງຮຽນສາມັນກິນນອນຊົນເຜົ່າ ສວນຫຼວງ ຕື່ມ ອີກ.

info@lfnd.org.la | 021 213754 | (856-21) 453191