ກອງປະຊຸມດັ່ງກ່າວໄດ້ຈັດຂຶ້ນ ໃນວັນທີ 9 ກັນຍາ 2026 ທີ່ ສູນກາງແນວລາວສ້າງຊາດ(ສນຊ)ໂດຍການເປັນປະທານກອງປະຊຸມຂອງ ທ່ານ ສຈ.ປອ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ, ປະທານ ສູນກາງແນວລາວສ້າງຊາດ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນສູນກາງ, ມີຄະນະປະຈໍາ ແລະ ຫົວໜ້າກົມເຂົ້າຮ່ວມ.
ກອງປະຊຸມໄດ້ຮັບຟັງລາຍງານຫຍໍ້ກ່ຽວກັບວຽກງານການນໍາພາໃນການຈັດຕັ້ງປະຕິບັດວຽກງານທີ່ພົ້ນເດັ່ນ ຂອງຄະນະປະຈໍາ ສນຊ 2ເດືອນຜ່ານມາ, ແຜນວຽກງານຈຸດສຸມໃນຕໍ່ໜ້າ ແລະ ປຶກສາຫາລື ຫົວຂໍ້ວຽກງານອື່ນໆ ທີ່ສໍາຄັນປິ່ນອ້ອມຈໍານວນໜຶ່ງ; ຈາກນັ້ນ ຜູ້ເຂົ້າຮ່ວມໄດ້ພ້ອມກັນແລກປ່ຽນຄໍາເຫັນຕໍ່ແຕ່ລະຫົວຂໍ້ ແລະ ຮັບຟັງທິດຊີ້ນໍາຂອງທ່ານປະທານ ສນຊ ເພື່ອເປັນບ່ອນອີງໃນການຈັດຕັ້ງປະຕິບັດທິດທາງແຜນການໃນຕໍ່ໜ້າ.
ຂ່າວ+ພາບ: ຄຳຜາຍ
ບກ: ພ.ບຸບຜາ