ໃນຕອນເຊົ້າຂອງວັນທີ 05 ພະຈິກ 2025 ນີ້, ທີ່ເດີ່ນພຣະທາດຫຼວງ ນະຄອນຫຼວງວຽງຈັນ ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ ພ້ອມດ້ວຍຮອງປະທານສູນກາງແນວລາວສ້າງຊາດ, ກຳມະການສູນກາງແນວລາວສ້າງຊາດ ສາສະນິກະຊົນທັງພາຍໃນ ແລະ ຕ່າງປະເທດ ເຂົ້າຮ່ວມພິທີໃສ່ບາດຢ່າງຄັບຄາໜາແໜ້ນ.

ພິທີໃສ່ບາດໃນງານບຸນນະມັດສະການພະທາດຫຼວງ ແມ່ນໄດ້ມີການຈັດຂຶ້ນທຸກໆປີ ຊຶ່ງມີການຮັບພອນ, ຟັງທຳມະເທດສະໜາ, ຕັກບາດ, ຢາດນໍ້າ ແລະ ຖວາຍສັງຄະທານແດ່ ພະສົງ-ສຳມະເນນ ເພື່ອອຸທິດບຸນກຸສົນໃຫ້ບັນພະບູລຸດ ແລະ ເຈົ້າກຳນາຍເວນ ຕາມຄວາມເຊື່ອຂອງຊາວພຸດ ຕໍ່ພຸດທະສາສະໜາ ທີ່ສືບທອດກັນມາແຕ່ດົນນານ, ເປັນການອະນຸລັກຮັກສາ ແລະ ເສີມຂະຫຍາຍວັດທະນະທຳ ຮີດຄອງປະເພນີອັນດີງາມຂອງຊາດ ເປັນການເຕົ້າໂຮມຄວາມສາມັກຄີປອງດອງປະຊາຊົນລາວ ບັນດາເຜົ່າ, ຊັ້ນຄົນ, ສາສະໜາ, ເພດ-ໄວ ນັບທັງພີນ້ອງເຊື້ອຊາດລາວ ແລະ ຕ່າງປະເທດ. ໃນພິທີໃສ່ບາດດັ່ງກ່າວ ຍັງມີການນໍາພັກ-ລັດຂັ້ນສູງ ຂອງ ສປປ ລາວ ໄດ້ເຂົ້າຮ່ວມຢ່າງພ້ອມພຽງ.

ບກ: ພ.ບຸບຜາ

ຂ່າວ-ຮູບ: ເຢ້ + ຂິດ