ທ່ານ ສຈ ປອ ກິແກ້ວ ໄຂຄໍາພິທູນ ໄດ້ເປັນກຽດກ່າວເປີດກອງປະຊຸມ ແລະ ແຈ້ງຈຸດປະສົງ, ເນື້ອໃນ ຄວາມສໍາຄັນຂອງກອງປະຊຸມຄັ້ງນີ້ ເປັນການເຜີຍແຜ່ຜົນສໍາເລັດກອງປະຊຸມໃຫຍ່ ຄັ້ງທີ XII ເພື່ອໃຫ້ທຸກພາກສ່ວນ ແລະບຸກຄົນກໍາມະການ ສນຊ ພ້ອມດ້ວຍພະນັກງານຫ໌ັກແຫຼ່ງທຸກທ່ານທີ່ເຂົ້າຮ່ວມ ເຂົ້າໃຈຢ່າງເລິກເຊິ່ງ ແລະ ນຳໄປຈັດຕັ້ງປະຕິບັດ ຢ່າງມີປະສິດທິຜົນ; ໃນນີ້, ກອງປະຊຸມໄດ້ຜ່ານເນື້ອໃນທີ່ສໍາຄັນຄື: ແຜນວຽກຈຸດສຸມໃນລາຍງານການເມືອງກອງປະຊຸມໃຫຍ່ ສະເໜີໂດຍ ທ່ານ ນາງ ບຸດສະດີ ທະນະເມືອງ, ກໍາມະການສູນກາງພັກ, ຮອງປະທານ ສນຊ; ກົດລະບຽບ ຂອງແນວລາວສ້າງຊາດ ສະໄໝທີ XII ສະ ເໜີໂດຍໂດຍ ທ່ານ ນາງ ໄຊທິດາ ພົມວິຫານ, ຮອງປະທານ ສນຊ; ມະຕິກອງປະຊຸມໃຫຍ່ ແລະ ແຜນພັດທະນາອົງການແນວລາວສ້າງຊາດ ປີ 2026-2030 ສະເໜີໂດຍ ທ່ານ ລາວປາວຊົ່ງ ນະວົງໄຊ, ກໍາມະການສູນກາງພັກ, ຮອງປະທານ ສນຊ; ພ້ອມນີ້, ບັນດາທ່ານທີ່ເຂົ້າຮ່ວມໄດ້ປະກອບຄຳເຫັນຕາມການເຈາະຈີ້ມ ຢ່າງກົງໄປກົງມາ, ມີບັນຍາກາດສ້າງສັນ ແລະ ຟົດຟື້ນ;

     ໃນໂອກາດສໍາຄັນນີ້, ທ່ານ ສຈ. ປອ. ກິແກ້ວ ໄຂຄໍາພິທູນ ໄດ້ສັງລວມຄໍາເຫັນ ແລະ ມີທິດຊີ້ນໍາ ເພື່ອເປັນທິດທາງໃນການເຄື່ອນໄຫວວຽກງານ ຂອງແນວລາວສ້າງຊາດ ໃນຕໍ່ໜ້າ, ໂດຍໄດ້ເນັ້ນໜັກໃຫ້ທຸກພາກສ່ວນການຈັດຕັ້ງພາຄີ ແລະ ບຸກຄົນກໍາມະການ ສນຊ ສະໄໝທີ XII ສຸມໃສ່ຈັດຕັ້ງຜັນຂະຫຍາຍຜົນສໍາເລັດກອງປະຊຸມໃຫຍ່ ຕິດພັນກັບການຜັນຂະຫຍາຍມະຕິ XII ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X ໃຫ້ປະກົດຜົນເປັນຈິງ, ສ້າງຄວາມສາມັກຄີເປັນເອກະພາບ ແລະ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ນັບມື້ຈະເລີນຮຸ່ງເຮືອງ.

ຂ່າວ ແລະ ພາບ: ພ.ພຽງ, ດວງ, ລີ

ບກ: ພ.ບຸບຜາ