ໃນວັນທີ່ 04 ຕຸລາ 2024 ນີ້ຢູ່ທີ່ສູນກາງແນວລາວສ້າງຊາດ ໄດ້ມີພິທີມອບ-ຮັບເຄື່ອງຊ່ວຍເຫຼືອບັນເທົາທຸກຜູ້ທີ່ຖືກຜົນກະທົບຈາກໄພນໍ້າຖ້ວມ, ມອບໂດຍ ທ່ານ ລິນທີ ແສນຍາວົງ ຄະນະສະພາວັດພຣະຫະຣຶໄທ(ໂບດກາໂທລິກບ້ານເກົ້າຍອດ)ນະຄອນຫຼວງວຽງຈັນ ພ້ອມດ້ວຍຄະນະ ກ່າວຮັບໂດຍ ທ່ານ ຄໍາຢາດ ຣາຊດາວົງ ຫົວໜ້າກົມສາສະໜາ ສນຊ ເປັນກຽດເຂົ້າຮ່ວມຂອງທ່ານ ດຣ. ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ເຄື່ອງທີ່ນໍາມາມອບໃນຄັ້ງນີ້, ມີເຂົ້າສານຈໍານວນ 150 ເປົາ ແລະ ເຄື່ອງບໍລິໂພກເປັນປະເພດອາຫານແຫ້ງ ຈໍານວນ 150 ຊຸດ ລວມເປັນມູນຄ່າທັງໝົດ 60,540,000 ກີບ (ຫົກສິບລ້ານຫ້າແສນສີ່ສິບພັນກີບ).

ໂອກາດດັ່ງກ່າວນີ້ທ່ານ ດຣ. ນາງ ອິນລາວັນ ແກ້ວບຸນພັນ ໄດ້ຕາງໜ້າໃຫ້ຄະນະນໍາ ສູນກາງແນວລາວສ້າງຊາດ ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈເປັນຢ່າງຍິ່ງ ຕໍ່ຄະນະໂບດກາໂທລິກນະຄອນຫຼວງວຽງຈັນທີ່ໄດ້ປະກອບສ່ວນເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມໃນຄັ້ງນີ້.

ບກ: ສຊ

ຂ່າວ+ພາບ: ໄຊວ່າງ