ກອງປະຊຸມພົບປະລະຫວ່າງຄະນະນໍາ ສນຊ ແລະ ຄະນະນໍາກະຊວງການຕ່າງປະເທດ ໂດຍເປັນກຽດເຂົ້າຮ່ວມຂອງ ທ່ານ ດຣ. ຈັນເພັງ ສຸດທິວົງ ຮອງປະທານ ສູນກາງແນວລາວສ້າງຊາດ, ທ່ານ ຕິ່ງ ສຸກສັນ ຮອງລັດຖະມົນຕີກະຊວງການຕ່າງປະເທດ, ມີຮອງປະທານບໍ່ປະຈໍາການ, ຫົວໜ້າກົມ-ຮອງກົມທັງສອງຝ່າຍເຂົ້າຮ່ວມ ໃນວັນທີ 23 ມັງກອນ 2024 ຢູ່ສູນກາງແນວລາວສ້າງຊາດ.
ໃນກອງປະຊຸມທັງສອງຝ່າຍໄດ້ພ້ອມກັນປືກສາຫາລືກ່ຽວກັບການກະກຽມຈັດກອງປະຊຸມພົບປະພີ່ນ້ອງຄົນເຊື້ອຊາດລາວຢູ່ຕ່າງປະເທດຄັ້ງປະຖົມມະເລີກ ທີ່ຈະຈັດຂຶ້ນໃນທ້າຍ ປີ 2024. ທັງນີ້ກໍ່ເພື່ອເຮັດໃຫ້ວຽກງານດັ່ງກ່າວມີຜົນສໍາເລັດຕາມລະດັບຄາດໝາຍທີ່ວາງໄວ້.