ໃນພິທີພົບປະຄັ້ງນີ້ ທັງສອງຝ່າຍໄດ້ລາຍງານສະພາບລວມການພັດທະນາເສດຖະກິດ-ສັງຄົມ ຂອງສອງປະເທດໃຫ້ກັນ ແລະ ກັນຊາບ ພ້ອມທັງທົບທວນຄືນບົດບັນທຶກຮ່ວມມືທີ່ ຄະນະກຳມະການສູນກາງແນວລາວສ້າງຊາດ ແລະ ນະຄະກຳມະການຊົນເຜົ່າ ສສ ຫວຽດນາມ ໄດ້ເຊັນໄລຍະຜ່ານມາ ເຊິ່ງທ່ານ ຄຳໄຫຼ ສີປະເສິດ ໄດ້ສະແດງຄວາມຍີນດີຕ້ອນຮັບ ທ່ານ ອີທົງ ພ້ອມດ້ວຍຄະນະ ແລະ ຕີລາຄາສູງຕໍ່ການມາຢ້ຽມຢາມ-ເຮັດວຽກຢູ່ ສປປ ລາວໃນຄັ້ງນີ້.

      ທ່ານຮອງຫົວໜ້າຄະນະກຳມະການຊົນເຜົ່າ ສສ ຫວຽດນາມ ໄດ້ສະແດງຄວາມຂອບໃຈຕໍ່ທ່ານ ຮອງປະທານຜູ້ປະຈຳການສູນກາງແນວລາວສ້າງຊາດ ທີ່ໄດ້ເສຍລະຫຼະອັນມີຄ່າມາຕ້ອນຄະນະໃນຄັ້ງນີ້ ແລະ ທ່ານໄດ້ຍົກໃຫ້ເຫັນຜົນສຳເລັດບາງວຽກງານທີ່ໄດ້ເຊັນບົດບັນທຶນຮ່ວມໄລຍະຜ່ານມາ ແລະ ບາງວຽກທີ່ຍັງຄົງຄ້າງເພື່ອຈະສືບຕໍ່ຈັດຕັ້ງປະຕິບັດໃຫ້ປະກົດຜົນເປັນຈິງ ພ້ອມກັນນີ້, ທັງສອງຝ່າຍໄດ້ປຶກສາຫາລືບາງວຽກງານຈຸດສຸມທີ່ຈະສືບຕໍ່ຈັດຕັ້ງປະຕິບັດຮ່ວມໃນຕໍ່ໜ້າເຊິ່ງເປັນຕົ້ນແມ່ນສືບຕໍ່ແລກປ່ຽນຄະນະຜູ້ແທນຂັ້ນສູງ, ຂັ້ນວີຊາການ, ສືບຕໍ່ສະໜັບສະໜູນຝຶກອົບຮົມວຽກງານຊົນເຜົ່າໃຫ້ພະນັກງານ ຂອງແນວລາວສ້າງຊາດ; ສືບຕໍ່ຮັດແໜ້ນຄວາມສາມັກຄີແບບພິເສດລະຫວ່າງ ສອງພັກ ສອງລັດ ກໍ່ປະຊາຊົນສອງຊາດ ລາວ-ຫວຽດນາມ ຫວຽດນາມ-ລາວ ໃຫ້ນັບມື້ເຂົ້າສູ່ລວງເລີກ.