ສະຫາຍ ຄໍາໄຫຼ ສີປະເສີດ ກໍາມະການສູນກາງພັກ, ຮອງປະທານຜູ້ປະຈໍາການສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ໄປພົບປະຢ້ຽມຢາມຄະນະພັກກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໃນວັນທີ 19 ກໍລະກົດ 2024 ໂດຍເປັນກຽດຕ້ອນັບຂອງສະຫາຍ ທ່ານ ປອ ນາງ ບຸນຄຳ ວໍລະຈິດ ກໍາມະການສູນກາງພັກ, ລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ມີພະນັກງານຫຼັກງແຫຼ່ງຂອງສອງອົງການເຂົ້າຮ່ວມທີ່ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ.
ກອງປະຊຸມຄັ້ງນີ້ ເປັນການຜັນຂະຫຍາຍ ແລະ ຈັດຕັ້ງປະຕິບັດຕາມບົດບັນທຶກການຮ່ວມມື ລະຫວ່າງ ສອງອົງການ ທີ່ໄດ້ລົງນາມໃນປິ 2017 ແລະ ເປັນການປະເມີນຄືນຜົນການຈັດຕັ້ງປະຕິບັດວຽກງານໂຄງການຮ່ວມມື ລະຫວ່າງ ສູນກາງແນວລາວສ້າງຊາດ ແລະ ກະຊວງຊັບພະຍາກອນທໍໍາມະຊາດ ແລະ ສິ່ງແວດລ້ອມ ທີ່ໄດ້ພ້ອມກັນຈັດຕັ້ງປະຕິບັດໃນໄລຍະຜ່ານມາລວມທັງດ້ານດີ, ຂໍ້ຫຍຸ້ງຍາກຕ່າງໆ, ນອກຈາກນັ້ນ, ສອງຄະນະພັກໄດ້ປຶກສາຫາລື, ພ້ອມກັນວາງທິດທາງແຜນການໃນຕໍ່ໜ້າ ກ່ຽວກັບການປັບປຸງວຽກງານໂຄງການດັ່ງກ່າວ, ສືບຕໍ່ປັບປຸງເນື້ອໃນ MOU ໃຫ້ຮັດກຸມກັບໜ້າວຽກຕົວຈິງ.
ພ້ອມນີ້, ບັນດາສະຫາຍເຂົ້າຮ່ວມກອງປະຊຸມໄດ້ມີການປະກອບຄໍາຄິດຄຳເຫັນຢ່າງກົງໄປກົງມາ ຕໍ່ວຽກງານໂຄງການຮ່ວມມືດັ່ງກ່າວ.
ບກ: ສ.ຊ
ຂ່າວ+ພາບ: ລີ.