ຄະນະຜູ້ແທນຂັ້ນສູງ ສູນກາງແນວລາວສ້າງຊາດ ນຳໂດຍ ທ່ານ ສິນລະວົງ ຄຸດໄພທູນ ກຳມະການກົມການ ເມືອງສູນກາງພັກ, ປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ເຂົ້າຢ້ຽມຂ່ຳນັບ ພະບາດສົມເດັດພະບໍຣົມມະນຽດ ໂນໂຣດົມ ສີຫາໂມນີ ພະມະຫາກະສັດແຫ່ງຣາຊະອານາຈັກກໍາປູເຈຍ ທີ່ພະລາດຊະວັງ, ໃນວັນທີ 19 ກັນຍາ 2024;
ພະມະຫາກະສັດແຫ່ງຣາຊະອານາຈັກກໍາປູເຈຍ ໄດ້ສະແດງຄວາມຕ້ອນຮັບ ແລະ ຕີລາຄາສູງຕໍ່ການມາຢ້ຽມ ຢາມ ແລະ ເຮັດວຽກ ຢູ່ຣາຊະອານາຈັກກຳປູເຈຍ ໃນຄັ້ງນີ້ ພ້ອມທັງສະແດງຄວາມປິຕິຊົມເຊີຍຕໍ່ສອງອົງການ ກຳປູເຈຍ-ລາວ ທີ່ໄດ້ຮ່ວມກັນລົງນາມໃນບົດບັນທຶກຄວາມເຂົ້າໃຈສອງຝ່າຍ ລະຫວ່າງ ສະພາແນວໂຮມສາມັກຄີພັດທະນາມາຕຸພູມ ຣາຊະອານາຈັກກຳປູເຈຍ ແລະ ສູນກາງແນວລາວສ້າງຊາດ ຊຶ່ງເປັນການປະກອບສ່ວນຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງ ຣາຊະອານາຈັກກຳປູເຈຍ ແລະ ສປປ ລາວ ກໍຄືປະຊາຊົນສອງປະເທດ ໃຫ້ມີຄວາມແໜ້ນແຟ້ນ ຍິ່ງໆຂຶ້ນ;
ໂອກາດດັ່ງກ່າວ, ປະທານສູນກາງແນວລາວສ້າງຊາດ ໄດ້ຕາງໜ້າຄະນະ ສະແດງຄວາມຂອບໃຈເປັນຢ່າງສູງ ຕໍ່ການສະຫລະເວລາໃຫ້ກຽດຕ້ອນຮັບອັນອົບອຸ່ນທີ່ເຕັມໄປດ້ວຍໄມຕີຈິດມິດຕະພາບ ຂອງພະບາດສົມເດັດ ພະບໍຣົມມະ ນຽດ ໂນໂຣດົມ ສີຫາໂມນີ ກໍຄືລັດຖະບານ ແລະ ປະຊາຊົນກໍາປູເຈຍ, ເປັນການໃຫ້ກຽດແກ່ຄະນະຂອງພວກຂ້າພະເຈົ້າ ແລະ ທັງສ່ອງແສງເຖິງຄວາມຜູກພັນ, ຮັກແພງ ຂອງພະຣາດສະວົງກໍາປູເຈຍ ຕໍ່ລາວ ຊຶ່ງຮູູ້ສຶກປະທັບໃຈທຸກຄັັ້ງທີ່ມາຢ້ຽມຢາມ; ຖືໂອກາດນີ້, ຂ້າພະເຈົ້າ ຂໍນໍາເອົາຄວາມຢ້ຽມຢາມຖາມຂ່າວ ຂອງທ່ານເລຂາທິການໃຫຍ່, ປະທານປະເທດ ສປປ ລາວ ມາຍັງພະບາດສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ມາໃນນະທີ່ນີ້ດ້ວຍ ແລະ ຕີລາຄາສູງຕໍ່ພະບາດສົມເດັດ ໂນໂຣດົມ ສີຫານຸ ພະບິດາຂອງພະອົງ ແລະ ພະບາດສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ທີ່ໄດ້ປະກອບສ່ວນອັນໃຫຍ່ຫຼວງ ເຂົ້າໃນການເສີມຂະຫຍາຍສາຍພົວພັນສອງຝ່າຍ ກໍາປູເຈຍ-ລາວ ຍ້ອນຄວາມເອົາໃຈໃສ່ ຂອງທັງສອງພະອົງ ຈຶ່ງເຮັດໃຫ້ສອງປະເທດ ກໍາປູເຈຍ-ລາວ ມີມິດຕະພາບ ແລະ ການພົວພັນທີ່ດູດດືີ່ມຕະ ຫຼອດມາ, ທັງໄດ້ເພິ່ງພາອາໄສເຊິ່ງກັນ ແລະ ກັນສະເໝີມາ; ພ້ອມນີ້, ໄດ້ລາຍງານຫຍໍ້ກ່ຽວກັບຈຸດປະສົງ ຂອງການມາຢ້ຽມຢາມ ແລະ ເຮັດວຽກ ຢູ່ຣາຊະອານາຈັກກຳປູເຈຍ ຄັ້ງນີ້ໄດ້ຮັບຊາບ ຊຶ່ງເປັນການເສີມຂະຫຍາຍສາຍພົວພັນ ແລະ ການຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ກໍາປູເຈຍ-ລາວ ໃຫ້ໝັັ້ນຄົງທະນົງແກ່ນ ແລະ ເກີດດອກອອກຜົນຍິ່ງໆຂຶ້ນ;
ພາບ ແລະ ຂ່າວ ໂດຍ: ຈິດຕະພົງ
ບກ: ພ.ບຸບຜາ
