ໃນວັນທີ 19 ທັນວາ 2024 ນີ້ ທ່ານ ຄຳ​ໄຫຼ ສີ​ປະ​ເສີດ, ກຳມະການ​ສູນ​ກາງ​ພັກ ຮອງປະທານຜູ້​ປະຈຳການສູນກາງແນວລາວສ້າງຊາດ, ພ້ອມດ້ວຍຄະນະ ​ໄດ້​ໄປ​ທ່ຽວ​ຊົມງານບຸນມະໂຫລານປື້ມ ແລະ ກິດຈະກຳສົ່ງເສີມການອ່ານ ຄັ້ງທີ v ຢູ່​ທີ່​ສູນ​ການ​ຄ້າ ລາວ​-ໄອ​ເຕັກ. ​​ເຊິ່ງ​ງານບຸນມະໂຫລານປື້ມ ແລະ ກິດຈະກຳສົ່ງເສີມການອ່ານ ​ເປັນ​ເວທີໜຶ່ງ​ທີ່​ສ້າງ​ໂອກາດ​ໃຫ້​ແກ່​ເດັກນ້ອຍ​ລາວ​ໄດ້ສະແດງຄວາມຮູ້ຄວາມສາມາດທາງດ້ານການຄິດ, ການອ່ານ, ການແຕ້ມ ແລະ ພອນສະຫວັນໃນດ້ານຕ່າງໆ ໃນເວທີສຳຄັນທາງພາຍໃນ ແລະ ສາກົນ ເປັນການປະກອບສ່ວນປຸກລະດົມທົ່ວສັງຄົມໃຫ້ມັກຄົ້ນຄວ້າ-ມັກການອ່ານ ຍົກລະດັບຄວາມຮູ້ຄວາມສາມາດໃຫ້ແກ່ຕົນເອງ.

ພ້ອມກັນນັ້ນ, ທ່ານຮອງປະທານສູນກາງແນວລາວສ້າງຊາດ ພ້ອມດ້ວຍຄະນະ ກໍໄດ້ຊົມການສະແດງສີລະປະວັນນະຄະດີຈາກນ້ອງນ້ອຍນັກຮຽນ, ຢ້ຽມຊົມບັນດາຮ້ານທີ່ວາງສະແດງ- ຂາຍປື້ມອ່ານປະເພດຕ່າງໆ, ໄດ້ຢ້ຽມຊົມບັນດາຮ້ານວາງສະແດງສິນຄ້າກະສິກຳລາວ ​ແລະ ຊົມ​ສວນ​ກະສິກຳ​ຕົວ​ແບບ​ໃນ​ການ​ປູກຝັງ ​ແລະ ລ້ຽງສັດ​ຕື່ມອີກ.