ທ່ານຮອງປະທານ ສນຊ ໄດ້ສະແດງຄວາມຊົມເຊີຍຕໍ່ການເຂົ້າຢ້ຽມຢາມ, ພ້ອມທັງຕີລາຄາສູງ ທີ່ທ່ານ ອາເລັກຊານເດີ ຣັດກອບ ໄດ້ປະກອບສ່ວນອັນສໍາຄັນ ເຂົ້າໃນການເສີມຂະຫຍາຍສາຍພົວພັນ ຮ່ວມມືລະຫວ່າງສອງປະເທດໃຫ້ແຫນ້ນແຟ້ນ ພ້ອມກັນນັ້ນ, ທັງສອງຝ່າຍຍັງໄດ້ປຶກສາຫາລື ກ່ຽວກັບການພົວພັນຮ່ວມມືລະຫວ່າງ ສນຊ ກັບສູນວິທະຍາສາດ ແລະ ວັດທະນະທຳຣັດເຊຍ ໃນອະນາຄົດ ໂດຍສະເພາະແມ່ນການສົ່ງເສີມການຮ່ວມມືໃນຂົງເຂດການສຶກສາ, ວິທະຍາສາດ ແລະ ວັດທະນະທໍາ ລາວ-ຣັດເຊຍ ແລະ ການສົ່ງເສີມການລົງທືນຂອງສອງປະເທດ.

ທ່ານ ອາເລັກຊານເດີ ຣັດກອບ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານຮອງປະທານສູນກາງແນວລາວສ້າງຊາດ ພ້ອມຄະນະ ທີ່ໃຫ້ການຕ້ອນຮັບ ພ້ອມທັງໄດ້ເຊື້ອເຊີນ ຄະນະຜູ້ແທນຂັ້ນສູງ ສນຊ ໄປຢ້ຽມຢາມ ປະເທດຣັດເຊຍຕື່ມອີກ.

ບກ: ກົງແກ້ວ

ຂ່າວ+ພາບ: ສຸວັນລີ